من مبدأ تقليل الاغتراب في المقام الاول , نطرح لكم قواعد التحويل بين الكليات 2013 والتي وضعها مكتب تنسيق الجامعات والمعاهد لعام 2013 , حيث تم نشر قواعد التحويل بين الكليات 2013 والتي في إثرها يتم التحويل بين الكليات وبعضها وذلك قبيل بدء العام الدراسي الجديد 2013 ـ 2014 .
ومن أهم ما جاء ب قواعد التحويل بين الكليات 2013 هو ما يأتي
أولا : التحويل من باب الاغتراب , حيث تنص قواعد التحويل بين الكليات 2013 بان الطالب يقدر التحويل في حالتين اثنين فقط هما :ـ
-
الحالة الاولي الكليات المناظرة لكلية الطالب المحول والتي تشترط فيها بأن يكون مجموع درجات الطالب يساوي الحد الأدنى أو أكثر للالتحاق بها , والشرط الثاني ضرورة ان لا يتعدى نسبة التحويل في الكلية الواحدة أكثر من 10%
-
الحالة الثانية من قواعد التحويل بين الكليات 2013 والكليات غير مناظرة يتم فيها التحويل من الطالب المحول من منطقة خارج منطقته الجغرافية إلى المنطقة الجغرافية التابع لها بشرط ان يستوفي درجات القبول بها سواء بالحد الادنى أو اكثر بالإضافة إلى اختبارات القبول بالكلية إن وجد.
ثانياً: التحويل لكلية اخرى في منطقتك الجغرافية طبقاً قواعد التحويل بين الكليات 2013 فهذا الامر يرجع إلى قوانين الكلية الخاص والذي يحدد الدرجات والشروط بالإضافة إلى وجود اختبارات قبول بكلية ام لا .
كما تم التنويه من قبل قواعد التحويل بين الكليات 2013 بان كلية التخطيط العمراني والتي تتبع جامعة القاهرة تعتبر كلية ذات طابع فريد ويتم التحويل منها على اساس انها كلية غير مناظرة.
موضوعات ذات صلة :
-
الان نتيجة التحويلات بين الكليات وتقليل الاغتراب 2013
-
التحويل بين الكليات لتقليل الاغتراب 2013 يفاجئ الطلاب بزيادة نسبة التحويل
-
التحويلات بين الكليات 2013 و طلاب الشهادات المعادلة وطلاب الدبلومات بيان هام لهم
-
الموقع الرسمي لتحويل بين الكليات أو تقليل الاغتراب لطلاب المرحلة الأولي و المرحلة الثانية من تنسيق الجامعات والمعاهد لعام 2013
-
موقع التحويلات بين الكليات 2013 يمد فترة التسجيل يومي اضافي
-
موعد اعلان نتيجة التحويل لتقليل الاغتراب بين الكليات 2013

انا من محافظه قنا ….وعايزه احول من اداب اسيوط انتظام الى تجاره سوهاج انتساب لانها قريبه شويه من قنا بس انا مكنتش كاتبه فى الرغبات تجاره انتساب سوهاج كنت كاتبه بس تجاره انتظام سوهاج …ينفع احول ولا لآ؟؟؟؟؟ ارجو الرد بسرعه
ينفع طبعاً التحويل بس لازم يكون درجة امتحان الثانوية العامة تكون مساوية أو اكثر من الحد الادني لكلية تجارة انتساب سوهاج , وبعد ذلك توجهي إلى مكتب كلية تجارة سوهاج الخاصة بالتحويلات وأعملي طلب تحويل لكن مع ملاحظة بأن هذه العملية متاحة فقط حتي 20/8/2013 وعليكي بالاسراع
وهذه بعد المقالات التي قد تساعدك في استفسارك :
1. درجات القبول بكليات المرحلة الثانية من تنسيق الجامعات والمعاهد للعلمي (http://www.awatany.com/%D8%AF%D8%B1%D8%AC%D8%A7%D8%AA-%D8%A7%D9%84%D9%82%D8%A8%D9%88%D9%84-%D8%A8%D9%83%D9%84%D9%8A%D8%A7%D8%AA-%D8%A7%D9%84%D9%85%D8%B1%D8%AD%D9%84%D8%A9-%D8%A7%D9%84%D8%AB%D8%A7%D9%86%D9%8A%D8%A9-%D9%85/)
2. درجات القبول بكليات المرحلة الثانية من تنسيق الجامعات والمعاهد للقسم الأدبي (http://www.awatany.com/%D8%AF%D8%B1%D8%AC%D8%A7%D8%AA-%D8%A7%D9%84%D9%82%D8%A8%D9%88%D9%84-%D8%A8%D9%83%D9%84%D9%8A%D8%A7%D8%AA-%D8%A7%D9%84%D9%85%D8%B1%D8%AD%D9%84%D8%A9-%D8%A7%D9%84%D8%AB%D8%A7%D9%86%D9%8A%D8%A9-%D9%85-2/)
3. رقم استعلامات مكتب التنسيق لعام 2013 والرد على جميع الاستفسارات الخاصة بالتنسيق (http://www.awatany.com/%D8%B1%D9%82%D9%85-%D8%A7%D8%B3%D8%AA%D8%B9%D9%84%D8%A7%D9%85%D8%A7%D8%AA-%D9%85%D9%83%D8%AA%D8%A8-%D8%A7%D9%84%D8%AA%D9%86%D8%B3%D9%8A%D9%82-%D9%84%D8%B9%D8%A7%D9%85-2013-%D9%88%D8%A7%D9%84%D8%B1/)
اشكرك اخى الكريم…….
لا شكر على واجب
طيب هو التحويل هيفتح امتى ع النت .؟……. ولا لسه متحددش
تم التحديد من قبل هيبدأ من بعد اجازة عيد الفطر المبارك وينتهي في 20/8/2013
وممكن مراجعة الموضوعات الاتية للاستفادة منها :
1- قواعد التحويل بين الكليات 2013 طبقاً لضوابط مكتب التنسيق
http://www.awatany.com/%D9%82%D9%88%D8%A7%D8%B9%D8%AF-%D8%A7%D9%84%D8%AA%D8%AD%D9%88%D9%8A%D9%84-%D8%A8%D9%8A%D9%86-%D8%A7%D9%84%D9%83%D9%84%D9%8A%D8%A7%D8%AA-2013-%D8%B7%D8%A8%D9%82%D8%A7%D9%8B-%D9%84%D8%B6%D9%88%D8%A7/
2 – موعد تقديم تحويلات طلاب المرحلة الأولي و المرحلة الثانية لتنسيق الجامعات والمعاهد لعام 2013
http://www.awatany.com/%D9%85%D9%88%D8%B9%D8%AF-%D8%AA%D9%82%D8%AF%D9%8A%D9%85-%D8%AA%D8%AD%D9%88%D9%8A%D9%84%D8%A7%D8%AA-%D8%B7%D9%84%D8%A7%D8%A8-%D8%A7%D9%84%D9%85%D8%B1%D8%AD%D9%84%D8%A9-%D8%A7%D9%84%D8%A3%D9%88%D9%84/
شكرا ع الاستفاده ياافندم
العفو : وتحت امرك في استفسار اخر.
هو حضرتك التحويل هيبقى من خلال النت فقط؟؟ ولا لآ ولو مش من خلال النت استنه برده لما يفتح باب التحويل ع النت
هو حتي الان التحويل عن طريق المكاتب التابعة لكل جامعة , ولم اصادف حتى الان اي موقع بيتم عن طريقه التحويل وخاصة على بوابة الحكومة الالكترونية , اما اذا اردتي التحويل فعليك اولا معرفة الحد الادني من القبول في الكلية المراد التحويل إليها ثم التوجه إلى مقر الكلية ولابد من الاسراع وذلك لان كل كلية لها نظام خاص في التحويل ولها نسبة معينة لعدد الطلاب المحول إليها , وهذه بعض الموضوعات للاستفادة :
1- قواعد التحويل بين الكليات 2013 طبقاً لضوابط مكتب التنسيق
http://www.awatany.com/%D9%82%D9%88%D8%A7%D8%B9%D8%AF-%D8%A7%D9%84%D8%AA%D8%AD%D9%88%D9%8A%D9%84-%D8%A8%D9%8A%D9%86-%D8%A7%D9%84%D9%83%D9%84%D9%8A%D8%A7%D8%AA-2013-%D8%B7%D8%A8%D9%82%D8%A7%D9%8B-%D9%84%D8%B6%D9%88%D8%A7/
2 – موعد تقديم تحويلات طلاب المرحلة الأولي و المرحلة الثانية لتنسيق الجامعات والمعاهد لعام 2013
http://www.awatany.com/%D9%85%D9%88%D8%B9%D8%AF-%D8%AA%D9%82%D8%AF%D9%8A%D9%85-%D8%AA%D8%AD%D9%88%D9%8A%D9%84%D8%A7%D8%AA-%D8%B7%D9%84%D8%A7%D8%A8-%D8%A7%D9%84%D9%85%D8%B1%D8%AD%D9%84%D8%A9-%D8%A7%D9%84%D8%A3%D9%88%D9%84/
هو حضرتك لازم لما احول لكليه غير مناضره لازم تكون فى المنطقه (أ) فقط؟؟وانا من قنا وعندى المنطقه (أ)هى قنا واسوان والمنطقه(ب)هى سوهاج واسيوط يعنى كدامينفعش احول ل سوهاج صج؟؟مع ان سوهاج اقرب من اسوان بالنسبه ليا
هي المشكلة حضرتك ان قواعد التحويل بتم على المنطقة أ , لكن في استثناءات بتم لبعض الحالات , لو حضرتك سئلتي في جامعة سوهاج اعتقد انهم يفيدوكي اكثر , وأن كان في نصيحه اخري تابعينا على الموقع وان شاء الله هيكون في خبر خاص بموقع الانترنت عن التحويلات وهذا الكلام مرهون بموقع التنسيق ,فبإذن الله عندما يعلن عنه سوف اقوم بنشره فورا .
في إعلان ظهر بأن موقع التنسيق سوف يعلن عن صفحة خاصة بالتحويلات , فإنشاء الله فورا صدور الصفحة وتفعيلها سوف اقوم بالنشر فتابعينا على الموقع بإستمرار .
حضرتك انا من المنوفيه وانا ثانويه 2012 جالي في التنسيق اداب بنات عين شمس ولكن السنه اللي فاتت انا ماروحتش وعاوزه السنه دي احول الي حقوق عين شمس لما احول هيحولوني حقوق عين شمس والا حقوق المنوفيه
والله حضرتك هذا الموضوع لازم الرجوع فيه إلى مكتب التنسيق لانهم أكثر دراية وخاصة وانت بقولي انك ما روحتيش السنة إللي فاتت يعني معني كده أنك طول السنة ديه مش مقيدة في اي كلية ـ منتظمة يعني ـ هذا الموضوع يرجع فيه إلى مكتب التنسيق أو يمكنك الاتصال عليهم والرقم مسجل في الموضوع ده لعلهم يفيدوكي في استفسارك:
. رقم استعلامات مكتب التنسيق لعام 2013 والرد على جميع الاستفسارات الخاصة بالتنسيق (http://www.awatany.com/%D8%B1%D9%82%D9%85-%D8%A7%D8%B3%D8%AA%D8%B9%D9%84%D8%A7%D9%85%D8%A7%D8%AA-%D9%85%D9%83%D8%AA%D8%A8-%D8%A7%D9%84%D8%AA%D9%86%D8%B3%D9%8A%D9%82-%D9%84%D8%B9%D8%A7%D9%85-2013-%D9%88%D8%A7%D9%84%D8%B1/)
ولكن معلش يافندم انا ذهبت بالفعل الي الكليه الاداب ودفعت المصروفات وحضرت شهرين في الكليه وتركتها لظروف هي نفس الحكايه ولكن بكده يتم التحويل وانا اسفه للاطاله؟؟؟؟؟؟؟
شوفي حضرتك القوانين زمان على ايامي كانت اذا انقطعتي عن الدراسي ولم تحضري الامتحانات دون تقديم اسباب اعتذار فهذا يعرضك للفصل , اما اذا احضرتي التماس وقبلته الكلية فانت مقيدة بالكلية , قد يكون في تغيير في الوقت الحالي لكن اعتقد انك لازم ترجعي كليتك الاصلية أولا , وعلشان ما اكون بتكلم دون علم عليك بالاتصال برقم ااستفسار التنسيق هو أكثر واحد هيفيدك وربنا يوفقك للخير والافضل.
لو سمحت حضرتك انا في تجاره انجلش خاصه وداخله تالته ممكن احول تجاره عربي حكومي واستمر من تالته
اناجايبه 94.5%وجالى هندسه اسيوط وانا ساكنه ف الجيزة ممكن تجيلى هندسه قريبه منى قاهرة او حلوان او عين شمس ؟وعاوزة اعرف انابكتب كام رغبه للتحويل سمعت انه 3 بسصح ولا غلط ؟ وكمان انا اكتب حاسبات ومعلومات ف اخر رغبات وحاسبات نازله مرحله تانيه ممكن تيجى ولاماتجيليش علشان هى مرحله تانيه مش اولى ؟
شوفي حضرتك انت كده ينطبق عليكي قانون التحويل والخاص بتقليل اغتراب الطلاب , عليكي انك تتوجيه إلى مكتب التحويل بالجامعة المراد التحويل إليها , لكن التنسيق بيفرض انك تكوني جايبة الحد الادني من الكلية التي سوف تحويلين إليها , فعلشان يكون افضل تحويل عندك هو جامعة حلوان اعتقد انها لا تخضع للتوزيع الإقليمي وبتعتبر جامعة تكنولوجية وهذا كان من زمان ـ يمكن يكون الوضع الان اختلف ـ بس هي اكتر جامعة بتقبل التحويلات بدون مشاكل , وان كان الافضل والاحسن هي جامعة القاهرة لقربها الشديد من سكنك لكن لو ما أمكنش انك تحولي لجامعة القاهرة فجامعة حلون تعتبر البديل الثاني وعلى العموم الافضل انك تتصلي برقم التنسيق الساخن لانهم هيكون عندهم تفسير اكثر مني , وشوفي حضرتك هذه المقالات
رقم استعلامات مكتب التنسيق لعام 2013 والرد على جميع الاستفسارات الخاصة بالتنسيق (http://www.awatany.com/%D8%B1%D9%82%D9%85-%D8%A7%D8%B3%D8%AA%D8%B9%D9%84%D8%A7%D9%85%D8%A7%D8%AA-%D9%85%D9%83%D8%AA%D8%A8-%D8%A7%D9%84%D8%AA%D9%86%D8%B3%D9%8A%D9%82-%D9%84%D8%B9%D8%A7%D9%85-2013-%D9%88%D8%A7%D9%84%D8%B1/)
لو سمحت انا جالى فنون تطبيقيه بنها بس عايز احول تخطيط عمرانى و اقليمى جامعه القاهره مع العلم انى من المنوفيه وعايز اعرف التحويل هيبدأ امتى عالنت واللا لازم اروح الكليه نفسها وأحول
بالنسبة لعملية التحويل هي بدأت من بعد اجازة العيد ومستمرة حتى الان لكن على داخل كل جامعة يوجد مكتب مخصص لعملية التحويلات , فممكن حضرتك تتصل بيهم وتتأكد من فعاليات تحويل رغبتك لكلية التخطيط العمراني , اما بالنسبة لموقع التحويلات فحتي الان لم يتم فتح باب التسجيل و لكن تابعنا على موقعنا وإن شاء الله بمجرد ما يتم الإعلان عنه سوف اقوم بنشر الخبر وكيفية التسجيل فيه.
لو سمحتوا انا من البحيره وجالي اداب دمنهور وانا عايز احول اسكندريه ممكن ولا ايه
لوسمحتوا يا جماعه انا من البحيره وجالي اداب دمنهور وعايز احول اداب اسكندريه ممكن ولا ايه ولو ممكن بيكون علي النت ولا منين
هذا التحويل يتعبر تحويل لكلية مناظرة وله قواعد فمحتاج انك تتصل بمكتب التحويلات الخاص بجامعة الاسكندرية حتي تتأكد من شروط التحويل الخاصة بالكليات المتناظرة تنطبق عليك أم لا ؟ بالنسبة لتحويلات على النت , لم يتم الاعلان عنه حتى الان , فإن شاء الله عندما يتم الاعلان سوف يتم نشر الخبر فوراً.
حضرتك انا كنت عايز احول من كلية تجارة المنصورة انتساب الي معهد هنسه ف القاهره بس التحويل مش عارف فتح ولا ﻷ وخايف مقدرش اقدم بعد كده ينفع اخد ورقي وروح اقدم دلوقتي بس انا جالي ورقة الترشيح بتاع المنصوره ومش عارف استني احول للمعهد الاول ولا اقدم ع طول
بالنسبة لتحويلات في جامعات فتحت باب التحويل من بعد اجازة العيد , ولو عاوز تطمئن على التحويلات اسئل الاول في معهد الهندسة قبل ما تسحب اوراقك , لكن التحويلات عن طريق الانترنت لحد الان لسه ما تحددش معاد , لكن حضرتك تابعنا على موقعنا وإن شاء الله هننشر معاد فتح باب التحويلات على الانترنت فور الاعلان عنه.
لو سمحت انا عايزة احول بس اعرف انا هكتب كام رغبه ؟؟؟؟؟؟
بالنسبة لعدد الرغبات في التحويلات ـ وهذا غير مؤكد ـ ثلاث رغبات فقط , لكن فورا إعلان التحويلات على الانرنت بإذن سننشر الخبر فورا , تابعينا على موقعنا.
انا جايبة 287 كلية بنات اداب عين شمس انتساب ينفع احول الي اداب انتساب القاهرة وهي واخدة من 300 وانا ساكنة في نفس المحافظة بس جامعة القاهرة اقرب ليا
هو طبقا لقررات مكتب التنسيق حضرتك جايبة اقل من الحد الادني من الكلية التي تريدين التحويل إليها , لذلك هذا اول شرط مخالف للتحويل , ثانياً انت من سكان القاهرة الكبري وبالتالي مبدأ تقليل الاغتراب غير متوافر فيكي ايضا لانك من نفس الاقليم , لذلك اعتقد انك تفتقدي الشرط الثاني من قواعد التحويل , لكن ممكن حضرتك تتأكدي من رقم التنسيق الساخن لإعطائك الرأي السديد.
ماشي شكرا لحضرتك
ونحن حاضرون في اي استفسار اخر؟
طيب معلش انا دلوقتى ف الجيزة ساكنه ف امبابه ازاي مينفعش احول القاهره
حضرتك في فرق بين المحافظات وبين أقليم , يعني ممكن تكون محافظتين تشكل اقليم مثلا , اما في القاهرة فنظراً لترابط الشديد بين ثلاث محافظات متصلة معاً فأوجد ما يعرف بمحافظة القاهرة الكبري بمعني ان تجمع محافظة القاهرة بالإضافة إلى أجزاء كبيرة من محافظة الجيزة بالإضافة إلى منطقة شبرا التي تتبع القليوبية تدمج معاً بما يعرف بالقاهرة الكبري لذلك تخضع الجامعتين القاهرة وعين شمس لتقسيم الاقليمي , اما جامعة حلوان فلا تخضع للتقسيم الاقليمي ـ وهذا كان من عشر سنوات اما الان فلا ادري ـ لانها تعتبر جامعة تكنولوجية خاصة بمصر ككل يحق لاي طالب اي كان موقعه التقدم لها.
ممكن لو نقلت لمحافظة تانية اقبل في دخول كلية اقل من مجموعي
هذا من شروط التحويل بس لازم تتأكدي من ان شروط الكلية الجديدة تنطبق عليكي وكمان هناك نسبة معينة في عملية التحويل لا تتدعي 10% لذلك الاسراع في عملية التحويل هتكون افضل لكي
انا مجموعى 368 ورشحت لتجاره الاسكندريه وانا من الاسكندريه وعاوزه احول لعلوم رياضه الوادى الجديد حيث انها تقبل 330.5 درجه فهل يمكن التحويل؟ ثم احول لعوم الاسكندريه حيث سكنى ………………. ارجو الرد
يعني انت عاوز تحول لكلية علوم اسكندرية بس علوم اسكندية مش جايب مجموعها ـ إذا كان هذا قصدك , يبقى في مشكلة اولا انك هتحول من تجارة لعلوم الوادي الجديد اعتقد من حقك علشان المجموع بس يمكن تصدم انك مش من سكان الوادي الجديد فبالتالي هيكون شرط تقليل الاغتراب فيه مشكلة عندك , يمكن بعد الناس بتحول مكان اقامتها في البطاقة او بتحضر عقد ايجار علشان تقنع الكلية انك من سكان المنطقة وبرده هتلاقي مشكلة الوقت , وإذا كان كل هذا حصل فعندك مشكلة ثانية انك علشان تحول من علوم الوادي الجديد إلى علوم اسكندرية اما انك تغير عنوان البطاقة مرة اخري للاسكندرية أو انك تنتظر عام كامل في الانتظام بكلية علوم الوادي الجديد ـ إذا تم القبول ـ وبعد ذلك تقوم بالتحويل لعلوم اسكندرية .
هذا هو مختصر الطريقة التي استخدمها البعض قبل علشان يحول لكلية مجموعه اقل من المجموع الادني لدخولها , بس التنسيق اشترط موضوع الكليات المتناظره علشان يقلل التلاعب في هذه النقطة , وكما تقليل الاغتراب علشان يضمن ان في سهولة لعملية التعليم أو توفير مكان إقامة لطالب اخر , لكن لو هتقبل هذا الوضع اعتقد انك هتخسر سنة من عمرك ما بين التنقل وما بين الدراسة فأعد النظر مرة اخرى لاختيار كلية أفضل لك.
حضرتك هو ينفع اخد ورقة الترشيح للتجاره المنصوره والورق المطلوب واقدم علي طول ف المعهد يدوي انا مجموعي اكبر من المعهد لكن خايف انهم يرفضوا لان العدد اكتمل اعمل ايه
شوف حضرتك بالنسبة للعدد اذا اكتمل هيكون في صعوبة انك تنقل إلا اذا فتح استثناءات لتحويلات و لكن ترشيحك لكلية معينة لابد من التوجه لها أو انتظر لحين نزول التحويلات على الانترنت حتي تتأكد من ان المعهد يقبل تحويلك وان هناك اماكن مفتوحة لتحويل , لكن طالما بطاقتك مرشحة لكلية تجارة فسوف يكون التحويل من تجارة إلى المعهد بخطاب رسمي أو من الانترنت ببطاقة ترشيح جديدة. , لتأكد يمكنك الاتصال بأرقام التنسيق الالكتروني للاستزادة .
بعد اذن حضرتك انا جايب 98% من اخر دفعة و كتبت حاجة غلط في الرغبات جاتلي حاسبات عين شمس و عايز احول هندسة عين شمس ممكن تقولي ايه الخطوات والاوراق اللازمة عشان اعدل الترشيح لهندسة
شوف حضرتك في طريقتين أولهما انك تروح لحاسبات ومعلومات عين شمس وتشوف شروطهم في التحويل تناسبك ام لا ؟ وإذا كان يناسبك تجهز الاوراق المطلوبة وتسلمها.
ثانيا الطريقة الثانية عن طريق موقع التحويلات بالحكومة الالكترونية , ولكن لم يفتح حتي الان ,
ورأي انك تسرع بالذهاب لجامعة عين شمس وتسئلهم عن الشروط في اسرع وقت لان هناك نسبة معينة لعملية التحويلات , ومن حسن الظروف ان الجامعة بدأت العمل بعد ما توقفت عن العمل بسبب احداث العنف الاخيرة وممكن تذهب بكرة وربنا يوفقك.
وتابعنا على الموقع لمعرفة كل ما هو جديد….
انا جبت ٨٦ و جتلي تجاره سوهاج و عايز احول حلوان و حلوان جيبه مجموع اعلي من مجموعي ب درجه و نصف بس ،، ف عايز اعرف حللها ايه ،، و حاجه تانيه ،، لو منفعتش حلوان و عايز احول تجاره عين شمس انتساب ،، اعمل ايه ،، ضروري الرد ،، و شكرا
شوف حضرتك بالنسبة بالنسبة للتحويل لحلوان طالما انك جايب أقل من الحد الادني فهذا مروفض في عملية التحويل , لكن لكي تحول تجارة عين شمس انتساب , في هذه الحالة لازم يكون مكان اقامتك بالقرب من القاهرة الكبري بحيث تدخل في شرط تقليل الاغتراب وبالتالي تقدر تحول , وللمزيد من العلم ممكن تتصل برقم التنسيق الساخن وتقدر تستفيد من استفسارتهم اكثر.
حضرتك التحويل ع النت بكره احول عاادى من خلال الموقع ولا اروح الجامعه ؟؟ بس هو كان مكتوب ان التحويل الورقى اتلغى
بالنسبة لمعاد التحويل على الانترنت حتي الان لم يعلن عن بدء تفعيل الموقع وانا بتابع بشكل يومي علشان انشره على الموقع لمساعدة الاخوة الطلبة , اما التحويل الورقي مفتوح في كثير من الجامعات ولكن للطلاب القدامي اي الذين اتم على دراسته عام كامل في احدى الجامعات , والتحويل الوحيد للطلاب القدامي هو التحويل الورقي.
انا جالى كليه فنون جميله عماره المنيا ممكن احول الى كليه فنون جميله عماره حلوان مع العلم انى مش جايب الحد الادنى لكليه حلوان بس انا ساكن فى القاهره و المنيا مش فى منظقتى الجغرافيه ارجو الرد و شكرا
شوف حضرتك التوزيع الاولي هو توزيع الدرجات ثم بعد ذلك توزيع الاقليم طالما انك تم توزيعك على اساس الدرجة فهذا معناه انك تفتقد الشرط الاول وهو الحد الادني بالكلية المراد التحويل إليها , اما بالنسبة لو حابيت تحول لحلوان ففي حل اخر يتطلب منك انك تنتظم في كلية فنون بالمنيا لمدة سنة كاملة بعدها ممكن تحول لحلوان بعد ذلك , للتزود اكثر في هذا الموضوع ارجو الاتصال برقم التنسيق الساخن , وتابعنا على الموقع لمعرفة كل ما يهمك.
انا جالي صيدلة المنصورة بس انا مجموعي يدخلني طب اسنان المنيا ولكني كتبت ف رغباتي صيدله قبل طب اسنان ينفع احول من صيدلة المنصورة الي طب اسنان المنيا ولا لأ
طالما انك يتحقق فيك الشرط الاول هو الحد الأدني من الكلية المراد تحويلها فهذا في صالحك , ثانيا شرط اخر وهو التحويل لكلية غير مناظرة لكن عليك ان تقوم بالاتصال بمكتب تنسيق جامعة المنصورة لتعرف شروط التحويل إليهم وكيفية التحويلها والاماكن المتوافرة , او الانتظار لحين فتح التحويلات على الموقع الإلكتروني لتتأكد اكثر من التحويل ,ولكن الارجح بأن تذهب او تتصل بمكتب تنسيق جامعة المنصورة حرصا على الوقت واسبقية التحويل , وتابعنا على موقعنا لمعرفة كل ما هو جديد .
لو سمحت انا جالي ف الرغبات تربيه عام بس انا عاوز احول لتجاره انجلش وهل لو قبلت وحولت هبقي انتظام ولا انتساب اصل انا قلقان من الحكايه دي يارت الردد
ينفع بس لازم يكون مجموعك يساوي او أكبر من الحد الادني للقبول بكلية التجارية المراد التحويل إليها , هذا في المقام الاول , ثم بعد ذلك تدخل تنسيق خاص بالكلية للدخول إلى قسم اللغة الإنجليزية , ملحوظة ان تجارة باللغة الانجليزية تشترط بعد الاشياء من أهما درجة معينة في اللغة الانجليزية وهذه الدرجة تختلف حسب كل كلية , ثانيا تجارة باللغة الانجليزية لها مصروفات خاصة غير المصروفات الاساسية , ممكن حضرتك تراجع قسم التعليم الخاص بموقعنا وتشاهد بعض كليات التجارة وشروط التقدم للاقسام ذات الدارسة باللغة الانجليزية , ونرجوا ان تكون متابعتك لموقعنا تنال منها الاستفادة.
شكرا اخي الكريم بس حضرتك انا مجموعي 87%ادبي ودرجه الانجليزي 44.5 ولما سألت ناس عطولي احتمالات بنسبه كبيره اني الحقها
طالما ان درجة اللغة الانجليزية مناسبة للقسم يبقى على بركة الله وعماً التنسيق على الموقع ان شاء الله هيبدأ خلال نهاية الاسبوع وان شاء الله هنشر الخبر فورا تفعيله.
شكرا لحضرتك حضرتك طمنطتني ميرسي مره تانيه
العفو حضرتك , ونتشرف بتواجدك معنا بالموقع بصفة مستمرة
لو سمحت حضرتك انا جاتنى تجاره جنوب الوادى وعايز احول القاهره ومجموعى جايب الكليه وروحت سألت قالولى لازم يكون معاك سكن هنا فى الجيزه او قريب من الجامعه وانا بالفعل معيا سكن ووريتهم وصل الكهربا وقالولى تعالى لما باب التحويل الورقى يفتح هو امتى هيفتح ؟؟؟؟؟
وهما ممكن يرجعو فى كلامهم ولا ايه؟؟؟؟ يعنى ممكن بعد ماستنى واروح اقدمم ميقبلونيش؟؟؟؟
شوف حضرتك بالنسبة للتحويل كلامهم صح لازم تكون ساكن بالقرب من الجامعة المراد التحويل إليها اما التحويل الورقي كل جامعة لها ميقات معين بس اغلب الجامعات اشتغلت في التحويلات الورقية بعد اجازة عيد الفطر , اما التحويلات عن طريق الانترنت لم تفتح بعد ولكن تابعنا على الموقع وبإذن الله عندما يتم البدأ في فتح باب التحويلات سوف يتم نشره على موقعنا , وبالتوفيق بإذن الله
لو سمحت اانا جالى فى الترشيح اداب القاهره وكنت عاوزه احول تربيه اساسى او طفوله اسكندريه مع العلم انى ساكنه فى القاهره بس سمعت ان تربيه مينفعش اروحها محافظه تانيه؟صح الكلام ده ولا لأ
لا غير صحيح ممكن تحويلي إليها بس اهم حاجة تشوفي قواعد التحويل عندهم تتناسب معكي ام لا , لان التربية تشترط اختبارات قدرات قبل الالتحاق إليها , ممكن تصدمي بأنك من أقليم خارج إقليم القاهرة , لكن عموما موقع التحويلات على وشك فتح باب التسجيل ممكن تتأكدي اكثر من هذا الموضوع.
حضرتك انا جايب 309.5 و جالي اداب انتساب موجه القاهره .. و كنت عايز احول لتجاره طنطا و بعض كده ارجع تجاره القاهره .. ينفع ولا لا ؟ بلعلم ان التوزيع الجغرافي التابع .. عين شمس ,, ارجو الرد سريعا
علشان تحول لتجارة طنطا ممكن تصدم بالتوزيع الجغرافي , لكن اذا كان تحويلك لتجارة طنطا نجح فأنت على الاقل سوف تنتظر عام على قوة تجارة طنطا ثم بعد ذلك تقوم بالتحويل لتجارة القاهرة لان عمليات التحويل لها وقت معين , وممكن تتأكد اكثر من الرقم الساخن الخاص بالتنسيق او الانتظار لحين فتح موقع التحويلات خلال اليومين القادمين والتأكد من نجاح عملية التحويل.
لو سمحت حضرتك انا جايب 94.63 وجالي هندسه المنيا وانا من المنصوره وعايز احول المنصوره قالولي حول علي النت بس انا خايف مقبلش المنصوره لان فرق الدرجات بيني وبينها 6.5 درجه …. لاكن الفرق بيني وبين بور سعيد نصف درجه بس …..وكمان سمعت ان التحويل الورقي اتلغي ….. فلو سمحت ممكن تشرحلي بس انا لما اجي احول هحول علي النصوره بس والا ممكن المنصوره وبور سعيد بس ارتبهم علي حسب رغبتي وكمان بعد ازنك لو تقولي فعلا التحويل الورقي دا اتلغي والا لا ؟ لاني سألت فيي جامعه المنصوره قالولي هو فعلا قالو هنلغيه بس لسه الخبر لم يتم تأكيده …….. واخيرا معلش ممكن اعرف عدد الطلبه اللي المنصوره بتقبلهم في التحويلات كام ؟؟؟ وشكرا جزيلا
بالنسبة لموضوع التحويل هو فعلا وزير التعليم العالي صرح بأن التحويلات هتكون بالنسبة للطلاب الجدد عن طريق الانترنت فقط , لكن من حسن حظك انهم صرحوا اخيراً بان التحويل لتقليل الاغتراب ممكن يتغاضوا عن الحد الادني للقبول في الكلية , ولذلك اعتقد ان هندسة المنصورة ان شاء الله هتكون افضلك من هندسة بورسعيد , لكن الخبر اليقين اما تتأكد من الرقم الخاص بالتنسيق ـ وهذا موجود على موقعنا ـ أو انك تتابعنا على الموقع بإستمرار للاعلان عن فتح باب التحويلات عبر الانترنت وهذا انشاء الله خلال اليومين القادمين , بالنسبة لعدد الطلاب المحولين لجامعة المنصورة او الهندسة فمكتب التنسيق صرح بان لا يتعدى 10% من عدد الطلاب الذين تم قبولهم هذا العام وبعدها يتم غلق التحويل للكلية حتي ولو تنطبق عليك الشروط لذلك الاسراع في التحويل هيكون افضل , ونحن حاضرون لاي استفسار اخر.
التحويل من كليه طب اسماعليه جامعه قناه السويس ما هو قواعده
جميع التحويلات من اي كلية لكلية اخري واحدة وهذا موجود في قواعد التحويل بين الكليات , لكن في بعض الكليات تشترط اختبارات قدرات لتمكين الطلاب من الانتساب إليها وهذه الكليات تقتصر على كليات التربية والفنية وكذلك فنون تطبيقية وايضا الرياضية , لكن يمكن سؤال مكتب التنسيق بالجامعة المراد التحويل إليها أو متابعة موقعنا لاعلان التحويلات عبر الانترنت وهذا في القريب العاجل إن شاء الله.
طب دلوقتي لو انا كملت في اداب انا عايز اعرف الاقسام الي في اداب .. ؟ و في حاجه اسمها لغات شرق و لو فيه ايه الي مطلوي عشان اخوشها
بالنسبة لاقسام الآداب فهناك عدة اقسام لا يمكن تحديد القسم إلا بعد الدخول إلى الكلية ثم يوجد تنسيق داخلي خاص بكلية الآداب لتحديد الاقسام حيث يشترط بعض الاقسام حصولك على درجات معينة كحد ادني مثل قسم الانجليزي , اما بالنسبة للغات شرقية فهذه عده شعب منها اللغة العبرية واللغة السريانية وهذه ايضا تخضع لشروط معينه تنشرها الكلية داخل مقرها , لكن هناك مشكلة بأنك اداب انتساب موجه وهذا الامر يحدد لك بعض الشعب المحدده وليس كل الشعب , نرجوا مراجعة الكلية لمعرفة المزيد من خلال التنسيق الداخلي.
لو سمحت انا جالى ف التنسيق جامعة حلوان تجارة انتساب وكنت عايزة احول جامعة القاهرة تجارة انتساب بردو وانا مجموعى 77% مرحلة تانية هينفع احول للقاهرة ؟ , وهل اقدم اوراقى ف حلوان الاول وبعدين احول ولا احول الاول ؟
ارجو الرد بسرعة لو سمحت .
وشكرا
بالنسبة للتحويل في اشكالية واحدة فقط انك بتحويلي لكلية مناظره يعني لازم يكون في سبب اخر وهو تقليل الاغتراب والجامعاتين المسافة بينهم صغيرة , لكن في نقطة من صالحك بأن جامعة حلوان لا تخضع للتقسيم الجغرافي ـ وهذا منذ زمن الان ليس عندي علم ـ فيمكن قبولك في التحويل وارد بشكل ما .
لكن بالنسبة لذهابك إلى جامعة حلوان وتقديم اوراقك فقد نوهت وزارة التعليم العالي بأن التحويلات للطلاب الجدد عن طريق موقع التحويلات فقط والتحويل الورقي للطلاب القدامي ـ من مر عليه عام في الدراسة الجامعية ـ وسوف يبدأ الموقع في استقبال الطلبات بإذن الله خلال نهاية الاسبوع الحالي طبقا لاعلان مكتب التنسيق ـ فتابعينا على الموقع لمعرفة فتح باب التحويلات على موقع التنسيق , وبالتوفيق بإذن الله
انا من الشرقيه وجالى اثار قنا وانا عايز احول اثار القاهره ينفع
ينفع بس التحويل هيكون على موقع التحويلات الخاص بالتنسيق فتابعنا على الموقع حتي تتاكد من فتح باب التسجيل وتقوم بعملية التحويل بإذن الله, وبالتوفيق انشاء الله
يعنى فى تحويل ورقى لكلية مناظرة خارج التوزيع الجغرافى ؟ يعنى انا جايلى فنون تطببيقية دمياط وعايزة احول حلوان ومعايا وصل نور ومياه باكتر من ست شهور هينفع ولا لأ ؟
مع العلم انى جايبة ازيد من الحد الادنى لفنون تطبيقية حلوان
مش مشكلة الحد الادني , لانك من ساكني القاهرة او حلوان فلو حلوان اقل من الحد الادني يتم التنازل عن هذا الشرط لكن بشر اخر انه ينطبق عليكي شرط تقليل الاغتراب اي انك قاطنة في مكان بعيد عن مكان ترشيح كليتك .
انا من كفر الشيخ وجالى ف التنسيق دمياط بس انا عايزة احول حلوان بعقد الشقة هينفع وانا لسه طالبة مستجده ؟
إن شاء الله ينفع ومن حسن حظك ان موقع التحويل بين الكليات بدء بالفعل في تلقى الطلبات , اضغطى على هذا الرابط وقومي بالتسجيل فوراً وإنشاء الله تيم تحويل رغباتك إلى حلوان:
الموقع الرسمي لتحويل بين الكليات أو تقليل الاغتراب لطلاب المرحلة الأولي و المرحلة الثانية من تنسيق الجامعات والمعاهد لعام 2013
طيب بس على النت هيقبل التحويل ازاى من غير اثبات علما بانى واخده الثانوى من مدرسة بكفر الشيخ
شوفي حضرتك الواضح انه لما بتسجيلي الدخول برقم الجلوس فبيتم التحقق بالرقم السري الموجود على استمارة النجاح وبالتالي الموقع بيتأكد من هويتك الاساسية , ثانيا بيظهر امامك اختيارك الاولي الذي صدرت به بطاقة الترشيح وبالتالي بيتم التعامل على هذا الاساس مع الطالب , فهذا كفيل باثبات شخصيتك ولا دخل لمكان الثانوية العامة الخاصة لانك الان لكي رقم موحد على مستوى مصر ولا يحمل بيانات سواكي مثل الرقم القومي.
حاليا حسب ما قال وزير التعليم العالي التحويل الورقي فقط للطلاب القدامى ـ من امضى عليها عام او اكثر في الجامعة ـ اما انتم فليس لكم سوى التحويل الإلكتروني وهذا الامر لم يفتح حتى الان , طالما انك قاطنة في القاهرة فاذا ينطبق عليكي مبدأ تقليل الاغتراب وان شاء الله تحولي إلى حلوان , وبالتوفيق.
الان بدء الموقع في تسجيل رغبات التحويل
الموقع الرسمي لتحويل بين الكليات أو تقليل الاغتراب لطلاب المرحلة الأولي و المرحلة الثانية من تنسيق الجامعات والمعاهد لعام 2013
هو حضرتك الرد ع التحويل بالموافقه او الرفض بتبقى علطول فى نفس الوقت ولا لآ؟
لا حضرتك الموافقة على التحويل بتكون بعد نهاية التسجيل يعني بعد يوم 25/8/2013 وبعد كده بتعرفي النتيجة من خلال الموقع وبتظهر ليك بطاقة ترشيح جديدة بالكلية التي تم التحويل إليها , فتابعينا على الموقع باستمرا لمعرفة معاد نتيجة التحويلات بإذن الله.
جزاك الله كل خير … اشكرك جزيلا
ونحن حاضرون في استفسار اخر.
لو سمحت هي نتيجه التحويل امتي ان شاء الله
حتى الان غير متاح معاد نهائي لمعرفة نتيجة التحويل وإن كان السؤال ممكن بعد 25/8/2013 يتم تحديد النتيجة , لذلك تابعنا على موقعنا لمعرفة احدث اخر التنسيق .
شكرا لحضرتك شكرا جزيلا
لا شكر على واجب , ويشرفني زيارتك لموقعنا , ونتمنى لك التوفيق.
انا جالى اداب بنات عين شمس بس انا عايزة احول تربية ابتدائى جامعة قناة السويس في الاسماعيلية و انا جايبة اكتر من الحد الادنى وانا ساكنه في العاشر من رمضان انا عايزة اسأل ينفع احول من منطقه أ الي منطقة ب و منين احول اليكترونى عشان مش عارفة
بالنسبة لتحويل بين كليات لمجرد تعديل الرغبات , فقد تم التنويه على موقع الحكومةالالكترونية بأن ذلك مستبعد , لان التحويل يأتي على اساس تقليل الاغتراب فاذا كانت المسافة بين جامعة قناة السويس الاسماعيلية ومكان اقامتك وهو العاشر من رمضان اقرب من القاهرة فهذا يؤهلك بشكل كبير لتحويل رغبتك , وعلى فكرة بيتم التحويل بين كليات متناظرة يعني اداب وتحولي إلى اداب لكن بشرط يتحقق فيكي شرط تقليل الاغتراب , حتى ولو كانت درجة نتيجة الثانوية العامة اقل من الحد الادني للكلية المحولة إليها , وللتأكيد اكثر من الممكن ان تتصلى برقم الساخن للتنسيق , اما الموقع الالكتروني موجود اسفل هذا المقال تحت ـ مواقع ذات صلة وللعلم هو كالاتي :
1- الموقع الرسمي لتحويل بين الكليات أو تقليل الاغتراب لطلاب المرحلة الأولي و المرحلة الثانية من تنسيق الجامعات والمعاهد لعام 2013
2- رقم استعلامات مكتب التنسيق لعام 2013 والرد على جميع الاستفسارات الخاصة بالتنسيق
لو سمحت انا من اداره شربين تابع للمنصوره ومش عايز احول المنصوره لاني خايف متقبلش لان فرق الدرجات كبير …فحولت بور سعيد لان فرق الدرجات نصف درجه ممكن اتقبل بقي بور سعيد والا كدا غلط ؟؟
معلش انا نسيت اقولك اني هندسه المنيا وبحول منها لهندسه بور سعيد
شوف حضرتك تقريبا انت لم تقرأ قواعد التحويل جيداً ,لكن لو لاحظت في نقطة هامة وهي خاصة بتقليل الاغتراب وهذه تنطبق عليك ومن اهم مميزاتها انك تقدر تحول لكلية مناظره يعني هندسة مثلا حتى لو انت لم تحصل على الحد الادني من درجات القبول بالكلية , ولذلك كان افضل انك تحول للمنصورة بحكم قربك ليها , لو عاوز تتأكد اكثر اما انك تراجع قواعد التحويل أو الاتصال برقم الاستعلامات الخاص بالتنسيق وهذا هو الموضوع الخاص به:
2- رقم استعلامات مكتب التنسيق لعام 2013 والرد على جميع الاستفسارات الخاصة بالتنسيق
انا كلية هندسة جامعة المنيا وعملت تقليل اغتراب على كلية هندسة جامعة المطرية التابعة لجامعة حلوان وطلبى اترفض وباب التحويل هيفتح تانى ممكن اعمل التحويل لكلية هندسة تانى ولا هيترفض
حضرتك كيف عرفتي ان التنسيق هيفتح مرة اخرى ؟ حسب اعلانات مكتب التنسيق الاخيرة التحويل مرة واحدة فقط , ليس عندي علم بان التنسيق سوف يفتح باب التحويل مرة اخري إلا اذا كان مع طلاب المرحلة الثالثة , وهذا الله اعلم حتي مكتب التنسيق لم يعلن عنه , اما بالنسبة لكلية تخطيط عمراني فهي لا تخضع للتوزيع الاقليمي لانها منفردة على مستوى مصر , اما في حالة انتظامك في كليتك الاساسية فعليك ان تستمري لمدة عام وبعد ذلك تقومي بعملية التحويل ولكن في كلية مناظرة ـ هندسة ـ او غير مناظرة تفقدي سنة وتبدئي من سنة اولى ,وبالتوفيق.
بالنسبة لمعلومة اعادة فتح التنسيق لكم مرة اخري , تم نشر خبر اليوم بهذا الصدد فانظري هل هذا الشرط متوافر لكي ام لا في الموضوع التالي :
* – إعادة فتح تحويل الطلاب بين الكليات 2013 للطلاب المتظلمين من نتيجة الثانوية العامة.
انا كنت ثانويه ازهريه السنه اللي فاتت وعملت معادله وجاتلى ادب المنيا وانا من سوهاج لكن نجحت بماده في الترم التانى هيل ينفع ليا التحويل من جامعه المنيا الي جامعه سوهاج وانا منقوله بماده؟ واذا نفع يكون ع النت التحويل ام من الكليه نفسها مع العلم انى ثانويه ازهريه ؟واذا كان لم ينفع التحويل عشان معايا ماده هل ينفع التحويل وانا رايحه 3 ولا هى من اول سنه وبس؟ وشكرااااااااا
بالنسبة للتحويل فانت من الطلاب القدامى يعني التحويل بين الكليات عن طريق الاوراق وليس الانترنت , اما موضوع المادة فهذا يخضع لنظام الجامعات المختلفة يعني لابد من سؤال جامعة سوهاج عن قواعد التحويل للطلاب القدامي هل يتتطلب النجاح في جميع المواد ام لا خاصة وانك كل كلية لها عدد معين من المواد يختلف في دراسته على مر السنوات الدراسية بين كلية واخرى , اما موضوع انك ثانوية ازهرية اعتقد انه ليس له تأثير لان تحويلك مبنى على الكلية التي مرت عليك بها عام , وخاصة واانك قمتي بمعادلة شهادتك فانت مثل الثانوية العامة , اما لو حاولتي التحويل قبل دخولك السنة الثالثة فهذا ممكن.
شكرااا خالص علي الافاده
لا شكر على واجب , ويشرفني زيارتك لموقعنا , ونتمنى لك التوفيق.
هو حضرتك لما بسجل ويقولى ادخل رغبه اخرى كدا التحويل بتاعى اترفض؟؟؟ ويعنى كل اللى سجل التحويل ومستنى بطاقه الترشيح كد يبقى التحويل اتقبل
هذا الامر تم التنويه عليه من قبل التنسيق , بان تسجيل رغبتك بالتحويل ليس معناه انه تم القبول أو الرفض , فعندما يتم التحويل وهذا بعد انتهاء مرحلة التحويل بالكامل سوف يتم اعلام الطالب بان التحويل قد قبل او تم الرفض , وفي حالة الرفض سيبقى الطالب كما هو مكان كليته الاولية دون تغيير ,
شكرا
لا شكر على واجب , ويشرفني زيارتك لموقعنا , ونتمنى لك التوفيق.
السلام عليكم … انا عايزه احول من اداب اسيوط الى تجاره انتساب اسيوط برده وانا مجموعى جايبها …. وانا من محافظه قنا… فهل تنطبق عليا قواعد التحويل ولا لا؟؟؟ ولا لازم احول لمكان اقرب ليا ؟؟؟
بهذا التحويل لا ينطبق عليكي شرط تقليل الاغتراب لانك مازالتي بعيده عن المحافظة المقيمة وبنسبة كبيرة ممكن يرفض طلبك , لكن لو كان الكلية قريب منك في قنا او في محيطة المنطقة (أ) هيكون افضل ,ممكن مراجعة هاتف التنسيق الساخن لمعرفة تفاصيل اكثر , وبالتوفيق انشاء الله .
1- رقم استعلامات مكتب التنسيق لعام 2013 والرد على جميع الاستفسارات الخاصة بالتنسيق
بس انا حضرتك المنطقه (أ) اللى هى قنا واسوان متقبلنيش اصلا والمنطقه (ب) اللى هى سوهاج واسيوط هى بس اللى تقبلنى ودا طبعا بالنسبه للمجموع
معلش حضرتك غير متذكر سؤالك ممكن تكتبي ليا السؤال الاصلي , عذراً لان في استفسارات كثير ؟
حاضر ..انا حضرتك من محافظه قنا وعايزه احول من اداب اسيوط الى تجاره انتساب اسيوط وانا كده المنطقه (أ) عندى هى قنا واسوان والمنطقه (ب)هى سوهاج واسيوط وانا المنطقه (ا) متقبلنيش بالنسبه للمجموع ولا الافضل انى احول لتجاره انتساب سوهاج لانها اقرب شويه من قنا على الرغم انها برده فى المنطقه (ب) وانا بس المنطقه (ب)هى اللى تقبل مجموعى والمنطقه (ا) متقبلنيش خالص بالنسبه للمجموع .
بالنسبة لتحويل من كلية اداب إلى تجارة هذا يقع تحت بند كلية غير مناظره وبالتالي لابد من تطبيق شرط الحد الادني يعني طلبك بتحويل هيكون صعب
لكن بالنسبة ليكي عندك ميزة اخرى لو كان تحويلك لكلية مناظره يعني تحويلك من اداب إلى اداب فممكن التحويل حتى ولو كان مجموعك اقل بشرط تحقيق شرط تقليل الاغتراب وهذا على حسب قواعد التحويل ونسبة التحويل المقرره بين الجامعات
اه مااهو انا حضرتك جايبه الحد الادنى لكليه التجاره الحمد لله برده هيكون صعب حضرتك؟؟
ودا بالنسبه للتحويل غير المناظر زى ماحضرتك قولت
تمام بالتأكيد , وربنا يوفقك.
كده ان شاء الله يتم التحويل في حدود ال10% الخاصة بكل جامعة من عملية التحويل وان شاء الله تكوني من هذه النسبة ,وبالتوفيق بإذن الله
لو سمحت حضرتك انا كلمات حضرتك قبل كدا وقلتلك ان انا هحول من تربيه عام لتجاره ودلوقتي انا حولت بس مستني نتيجه التحويل انا هحول لتجاره انجليزي ودلوقتي التقديم فتح وهما بياخدوا عدد معين ف تجاره انجلش وفي ناس كتير قدمت ف انا خايف لا ملحقش فا ياريت تطمني
بس هو الاول يتم عملية التحويل لان تسجيلك في موقع التحويلات ليس معناه انك تم قبولك في التحويل وهذا ما نوه عنه موقع التنسيق , لكن في حالة انشاء الله تم قبولك في عملية التحويل هل شروط قسم تجارة انجليزي ينطبق عليك ام لا تعلم الشروط ؟ لكن من الواضح انك محتاج اما اتصال بكلية تجارة او زيارتهم وهذا الافضل لتعرف تفاصيل في حالة قبول تحويل هل سوف يكون هناك استثناء او فتح عملية الانتساب لقسم الانجليزي مرة اخرى ام لا ؟ وهذا هيكون الانسب والافضل , والتوفيق بإذن الله.
بس انا مجموعي 88 و45 من ادبي وفي ناس جايبين اقل مني ف المجموع وف الانجلش وراحوا قدموا وانا محول من تربيه عام لتجاره يعني من مجموع كبير ل اقل
والله المفروض ان في تنسيق داخلي في كل كلية بها عده شعب ولها مطلق الحرية في تحديد الشروط والقواعد , لكن مش المشكلة في المجموع لكن المشكلة الاكبر هي درجة مادة اللغة الانجليزية في امتحان الثانوية العامة هي المقياس عندهم يعني بعض الكليات وضعت شرط اقل درجة في شعبة تجارة انجليزي هو 47 درجة , وكل كليه ليه حرية في تحديد درجة اللغة الانجليزية , لكن عامة ان شاء الله خير يمكن يكون ليك نصيب فيها وربنا ييسرك الحال.
ما انا جايب ف الانجلش 45 والشروط ف النصوره 40 ف الانجليزي انا عارف اني هقبل بس كل الي مخوفني ان انا ممكن ملحقش لان التحويل فتح هي نتيجه التحويل هتتأخر ؟ وحضرتك لو التحويل قبل ف تجاره وملحقتش تتجاره انجليزي ينفع احول لتربيه عام تاني ؟
التحويل نتيجته بعد يوم 25/8/2013 لكن متى بالضبط غير معلوم , لكن انك تحول مرة ثانية اعتقد انه هيكون مرفوض لان التنسيق اعلن عن رغبة واحدة فقط , واعتقد انك لو تكلم او تذهب لكلية تجارة تشوف الموضوع بوضوح هيكون افضل علشان قلقك لا يزيد , وبالتوفيق ان شاء الله
شكرا لحضرتك
لا شكر على واجب , ويشرفني زيارتك لموقعنا , ونتمنى لك التوفيق.
انا جاللي طب القاهرة و بعد نتيجة التظلمات جاللى طب بنها و انا عايز افضل في القاهرة (مع العلم بإن أنا ماروحتش امضي علي نتيجة التظلم) ياريت الرد بسرعة
طيب انت ساكن فين بالضبط؟ ثانيا بعد التظلم تم تغيير ترشيحك يعني على موقع الترشيحات ظهرت لك طب بنها ام طب القاهرة ؟
لو سمحت انا كلمت حضرتك قبل كدا وقلتلي المنصوره احسن ليك بما انك من سكانها ….. بس انا خاااااايف متقبلش لان فرق الدرجات كبير وخاصه ان التحويل الورقي اتلغي علشان كدا حولت بور سعيد لان فرق نص درجه بس بيني وبنها …. كدا غلط والا عادي ممكن اتقبل ….
لان انا ليا اصحابي من هندسه كان فرق بينهم وبين المنصوره درجتين بس ومتقبلوش
انا رجعت سؤالك الاول بتقول انك جالك هندسة المنيا وانت ساكن في المنصورة وهندسة المنصورة مجموعها اكبر من درجاتك علشان كده حولت لهندسة بورسعيد , اعتقد ان هذا كان سؤالك , بس ردت عليك وقلتلك ان هندسة المنصورة افضل ليك لان شرط تقليل الاغتراب بينطبق عليك فانت فوت فرصة كبيرة لتحويل , وذلك ان موقع التنسيق نوه بأن تقليل الاغتراب بيلغي درجات الحد الادني الخاص بالكلية في حالة التحويل المتناظر , الشيء الثاني لو كانت هندسة بورسعيد في نطاق المنطقة الجغرافية ليك يقع في حيز (ب) وليس (أ) فمن الممكن ان التحويل يترفض لانه لازم المنطقة (أ) , على العموم حصل خير في كل الاحوال , وإذا ربنا اراد بنك تحول لهندسة بورسعيد او لم يتم قبولك وبقيت في هندسة المنيا , فلك ان تنتظم عام في الدراسة باي كليه منهم وان شاء الله السنة القادمة تحول لكلية لهندسة المنصورة. وبالتوفيق والنجاح.
لو سمحت انا حولت من كليه لكليه بس دلوقتي لسه باب التحويل مفتوح يوم اضافي هو انا مثلا ينفع الغي طلب التحويل ده او اطبع ورقه الترشيح الي هي بتاعت اول كليه جتلي واروح اقدم ولا مش هينفع ؟ ياريت الرد
بالنسبة انك تطبع ورقة الترشيح وتروح الكلية لا انصحك بهذه العملية لان طلبك اذا قبل سوف يخاطب مكتب التنسيق بالكلية المحولة لاستقبال اوراقك ويرسل خطاب لكلية الترشيح الاولي بإلغاء اسمك وطبعاُ من الممكن ان يحدث نوع من التدخلات هتكون انت الخاسر الاكبر فيها , اما بالنسبة لإلغاء التحويل لا عندي علم لكن جرب الدخول مرة اخري وإذا كان هناك اختبار بإلغاء التحويل ففعل او من الافضل ان تتصل بخط التنسيق الساخن وهو في الموضوع الاتي :
* رقم استعلامات مكتب التنسيق لعام 2013 والرد على جميع الاستفسارات الخاصة بالتنسيق
طب معلش فى تحويل بين معاهد او كليات مرحلة ثالثة
حضرتك اصلا نتيجة المرحلة الثالثة لم تعلن بعد , لكن لم تعلن النتيجة بإذن الله هينزل عملية التحويل , لكن تابعنا على الموقع وبإذن الله هتجد ما يهمك.
هو التحويل لسه متقفلش !!!!! وهم كتبين انه هيتقفل يوم الثلاثاء الساعه 4 مساء !!! انهى ثلاثاء
هو فعلا التحويل على الموقع لم يغلق حتى الان , مع العلم انه كان المفروض طبقاً للإعلان هيغلق امس 27/8/2013 لكن يبدو انهم تاركينه لهدف معين , على العموم من لم يسعفه الحظ في ان يسجل رغباته بالتحويل من الممكن تسجيلها الان , لكن ايضا ممكن انه يغلق عملية التحويل في اي لحظة , وبالتوفيق لجميع الطلاب.
هو حضرتك انا عملت التماس تحويل غير مناظر مش فى منطقتى الجغرافيه ومجموعى جايب الكليه دى بس انتساب وهم عايزين سبب علشان يقبلو التحويل ده وانا السبب انى فعلا كنت كاتبه الكليه دى بس لما سجلت الرغبات مكنش نازل الانتساب ممكن يعنى يتقبل علشان السبب دا ولا لآ؟ وطبعا ممكن يتأكدوا من خلال الرغبات السابقه
اه حضرتك انا كنت كتباها اول رغبه بس مكنش نازل الانتساب
والله هو ممكن يقبل الالتماس , وان كان الافضل طبعا يكون شيء قوي مثل دخولك في منطقتك الجغرافية (أ) لان هذا السبب يعتبر السبب الرئيسي لعملية التحويل كلها , ولكن ننظر للأمر بحسن نية لعل بإذن الله يتم قبول إلتماسك وبالتوفيق بإذن الله.
حضرتك الالتماس ده بيتعمل لما بتكون الكليه خارج المنطقه (أ) ولازم يكون فى سبب بس ملهوش دعوه بالاغتراب وانا بقول لحضرتك ان الكليه دى كانت اول رغبه ليا بس مكانش نازل الانتساب لما سجلت الرغبات فهل دا سبب قوى ولا لآ؟؟؟؟
حضرتك انا مقدر الالتماس انه بشرط خارج الاغتراب , لكن بعض الطلاب كان بيسئل على اسئلة مشابه على موقع التنسيق وكان معظم الردود على ان تقليل الاغتراب هو اهم شيء وياتي في المرتبة الاولي , ثانيا تاتي الالتماسات ولكن تحت شروط قوية , وليس معنى كلامي ان سبب الالتماس لن يقبل ولكن من الممكن قبوله ولكن هناك اسباب اقوى من ذلك , ومع ذلك ممكن يكون نصيبك هو قبول الالتماس , وان شاء الله يقبل بإذن الله والتوفيق والسداد إن شاء الله .
اسباب اقوى من كده زى ايه؟؟ مع العلم انى حولت لكليه غير مناظره فى نفس المنطقه اللى اترشحت فيها
هو الامر بان مكتب التنسيق نشر بوست حدد فيه باللفظ بان التحويل لتقليل الاغتراب ليس المقصود به تحويل رغبات ولكن المقصود به تقليل الاغتراب بين سكن الطلاب واماكن دراستهم , وهذا الاعلان هو إللي بنيت عليه ردي لكن مش معناه انه لا يقبل طلبك هما بينظروا لطلب التحويل في ظل نسبة معينة بالنسبة لتحويل غير المتناظر وهو 10% من عدد قبول الطلاب لذلك لو كان الشروط تنطبق مثلا وتعدي العدد النسبة لن يقبل وهذا مثلا , لكن لو تقليل اغتراب سوف يقبل بإذن الله دون تردد , فلذلك لا اريد منك التوتر سواء في القبول او الرفض , لكن انظري بشكل افضل ان ربنا هيقدرلك الافضل في كل الاحوال , وان شاء الله يوفقك فيما اختاره الله لكي , وبالتوفيق بإذن الله.
ياذن الله تعالى ..اشكر جزيلا وجزاك الله كل خير
ندعو الله لكي ولكل الطلاب الاعزاء بالتوفيق والسداد , ونتشرف بزيارتك لموقعنا في كل وقت.
لو سمحت انا جايبه 89 ف الميه علمي رياضه وتم ترشيحي لكلية تجارة جامعة دمياط لكن انا حولت للمعهد العالي للهندسه في المنصورة عن طريق الانترنت بس متقبلتش السؤال هنا . هو ينفع احول تحويل ورقي ولا لا ؟
ممكن التحويل الورقي بس بعد عام من الان , بمعني انتظام لمدة عام ثم بعد ذلك يتم التقدم بالتحويل الورقي , اما التحويل للطلاب الجدد فمحدد فقط على موقع تنسيق الجامعات والمعاهد وتم إلغاء النظام الورقي به فقط , والطلاب القدامي ـ من مر على دراسته عام ـ له امكانية التحويل في ظل قوانين التحويل المعلنه اثناء فترة التحويل.
انا من الطلاب القدامي بقالي سنه ومقدمه تحويل ورقي عاوزه اعرف نتيجته اعرفها ازاي واروح امتي؟
بالنسبة ليكي هتذهبي او تتصلي الجامعة التي قمتي بالتحويل إليها لمعرفة نتيجة التحويل , وبالتوفيق بإذن الله.
يعني مالهاش ميعاد محدد للظهور ولا كل واحد وحسب ماقدم ورقه بيوصل للكليه ولا ايه معلش عشان انا مش معايا رقم ليهم وكمان انا مش عاوزه اروح علي الفاضي انا مقدمه تقريبا من بدايته التحويل الورقي (في اوله) وعاوزة اعرف يعني اللي بيقدم بعدي نتيجته هتظهر معايا (اي ورقه هيوصل معايا )ولا ايه؟
لا طبعاً كل جامعة ليها مكتب تحويلات خاص بيها بالنسبة لطلبه القدامي , ولهم مواعيد بيتم اعلان فيها نتيجة التحويل فلابد من الاتصال بيهم او زيارتهم لتعرفي نتيجة عملية التحويل , ممكن تتصلي بدليل التليفون أو تبحثي على الانترنت عن كيفية الاتصال بالجامعة , لابد من معرفة نتيجة تحويلك لانه تم تأكيد بدء العام الدراسي 21 سبتمبر , وبالتوفيق بإذن الله.
شكراااااا جدا جزاكم الله خيرا
العفو , ويسعدنا مرورك باستمرار على موقعنا .
بعد اذنك ماهو كود مكتب التنسيق
هو حتي الان ليس عندي معلومة خاصة بكود مكتب التنسيق أن كان هذا الامر مقتصر على طلاب الثانوية الازهرية والمعادلة , لكن حتي لا اعطيك معلومة مضلله عليك بالاتصال بمكتب التنسيق وذلك داخل الموضوع التالي لعلهم يعطوك اجابة كاملة لهذا الاستفسار .
* رقم استعلامات مكتب التنسيق لعام 2013 والرد على جميع الاستفسارات الخاصة بالتنسيق
لقد تم الاستعلام مرة اخري هو رقم بيتم شراءه من قبل مكتب التنسيق عندما تقوم بسحب الاوراق منه , وبالتوفيق بإذن الله.
هل ممكن احول من كلية هندسة جامعة المنيا الى تخطيط عمرانى؟ علشان انا خايفة يكون مفيش مكان للطلاب تانى
تم الرد في استفسارك السابق
ياريت حضرتك ترد عليا بسرعة
تم الرد في استفسارك السابق
لو سمحتو انا مرحله تالته جايبه 69 ونص يعنى اول المرحله
وانا كتبت فى الرغبات فى الاول حقوق وبنسبه كبيرة هى اللى جايه جامعه عين شمس
وانا عاوزة ادخل اداب انتساب الاسكندريه لان اداب نزلت اقاليم بس
سؤالى .. لو جالى حقوق ينفع احول تحويل ورقى عادى ؟ ولا لا
وكمان باب الرغبات هيتفتح تانى علشان الدور التانى يسجلو رغباتهم ينفع انا ساعتها اعدل رغباتى ولا لا
اسفه طولت عليكم بس ارجو الرد ضرورى
بالنسبة للتحويل الورقي , لقد تم إلغاءه في المرحلة الاولي والمرحلة الثانية اثناء عملية التحويل للطلاب الجدد , واعتقد والله اعلم انه سوف يتم تطبيقه على المرحلة الثالثة , اما بالنسبة لو تم فتح الرغبات لطلاب الدور الثاني , تقدري تعدلي رغباتك هذا الامر لم يصدر حتي الان من مكتب التنسيق لكن من المتوقع او المحتمل صدوره لان الدراسة اصبحت قريبة جدا ولابد من تسريع وتيرة انهاء التنسيق , لكن اعتقد ـ والله اعلم ـ بان هناك عملة تحويل خاصة بالمرة الثالثة , فلعل شروط التحويل تنطبق عليكي , لذلك ارجو متابعة موقعنا حتي تعلمي باي امور خاصة بالتنسيق فور صدورها بإذن الله , وبالتوفيق والنجاح.
شكرا جدااااا بجد
ومعلش عاوزة اسأل سؤال تانى
انا ليا صديقتى مكانتش تعرف ان باب تسجيل الرغبات المرحله التالته فتح وكانت عارفه انه بعد الدور التانى ما يمتحنو ومسجلتش رغباتها بس هيا مش شايله حاجه ولا امتحنت بس ملحقتش
ف فى الحاله دى لما باب الرغبات بيفتح هينفع عادى تسجل رغباتها
وشكرا لحضرتك اوى بجد
العفو حضرتك :
بالنسبة لموضوع صديقتك طبعا هو لم يصدر قرار بيها حاليا , ولكن تم فتح تسجيل الرغبات لطلاب المرحلة الاولي عندما فتحت المرحلة الثانية تسجيل الرغبات , فأعتقد بان بمثل ما حدث في المرحلة الاولي اعتقد والله اعلم هيتم فتح باب التسجيل للطلاب في المرحلة الثالثة مع تسجيل طلاب الدور الثاني , لكن لكي تكون المعلومة صحيحة يرجى الاتصال برقم التنسيق الساخن حتي يعطوها الحل السليم وهو دخل الموضوع الاتي :
رقم استعلامات مكتب التنسيق لعام 2013 والرد على جميع الاستفسارات الخاصة بالتنسيق
السلام عليكم …
لو سمحت انا من سوهاج جايب 348.5 درجة قدمت فى تنسيق المرحلة التانيه وجاتلى اداب سوهاج ولما تم فتح باب التحويلات انا كنت مسافر وملحقتوش ودخلت على موقع التنسيق عرفت ان فى مرحلة اخيرة لباقي الطلاب والطلاب اللى قدموا تظلمات واضاف لهم درجات سؤالى الان هو:
بنفع اقدم فى هذة المرحلة الاخيرة ؟ واذا امكن اني اقدم فيها هل ينفع اني احول من اداب سوهاج لعلوم الوادي الجديد بأي طريقة ممكنة ؟؟؟
لانها بتخد من 327 علما بان علوم الوادي الجديد تعتبر فرع من جامعة اسيوط
هو تم بالفعل فتح باب التسجيل لطلاب الذين زادوا في الدرجات , لكن هي لا تنطبق عليك اذا لم تكن من متظلمي الثانوية العامة , على العموم بقم بالتسجيل وحاول ان تختار الكلية المناسبة يمكن يقبل تحويلك , اما التحويل فهو في مفتوح ايضا للطلاب المتظلمين عاماً جرب وانت لست خسران في شيء , في حالة عدم قبول تحويلك , إن شاء الله بعد قضاء عام في كليتك بسوهاج ممكن تعمل تحويل إلى الوادي الجديد بس هيكون تحويل متناظر يعني اداب الوادي الجديد اما لو حولت إلى علوم سوف تفقد سنة التي قمت بدراستها في اداب سوهاج , وبالتوفيق والنجاح.
حضرتك انا قمت بالدخول على التسجيل وقمت بادخال رقم الجلوس والرقم السري ودخلت على صفحتي بالفعل وقمت باختيار التحويل الى كلية غير مناظرة تقع خارج منطقتي الجغرافيه لكني لم اجد كلية علوم الوادي الجديد فماذا يعني ذلك هل يعني انها اكتفت من اعداد الطلاب اللى المفروض تقبلها السنة ولا ايه ؟
مع العلم اني جايب الحد الادني الخاص بها واكتر كمان ؟ وما هو الحل
لكن هناك نقطة جوهرية , عند استكفاء الكلية من الاعداد المخصصة لها لا تستقبل احد حتي لو كان مجموعه يقبلها , وذلك طبقا لتعليمات مكتب التنسيق.
لو سمحت اخويا جاله فى التنسيق اثار اسوان وعاوز يحول معهد عالى هندسة الدلتا يختار تقليل اغتراب غير مناظر ولا يختار تحويل معاهد خاصة ضرورى الرد قبل ما يتقفل الموقع
لو كان اخوكي مجموع الكلية المراد التحويل إليها الحد الادني بها اكثر من مجموعة في الثانوية العامة أو خارج المنطقة الجغرافية (أ) او كانت الكلية اكتفت بالعدد المطلوب وخاصة لوكانت هندسة (كلها شبه مغلقة ومكتفية ), فيفضل المعاهد الخاصة مع ملاحظة انها بمصروفات وتكاليف كبيرة , اما اذا انطبقت عليه الشروط الثلاثة فيختار التحويل غير متناظر , وبالتوفيق والنجاح.
من فضلك كنت عايزة اعرف انا جالي كلية خدمة اجتماعية حلوان …وانا عايزة احول لحقوق انتساب ..بس مجموعي اعلي من الحد الادني لكلية الحقوق .. بس في محافظة بنها وطنطاواسكندرية ؟
ازاي ينفع ادخل حقوق في اي محافظة منهم عشان بجد مش حابة ادخل حاجة غير حقوق اعمل ايه ؟
في هذه الحالة انتظري مرحلة التحويلات او تقليل الاغتراب للمرحلة الثالثة , وان شاء الله سوف نعلن عنها في موقعنا عن قريب.
لكن ملحوظة لكي يتم تحويلك لكلية اخري لابد وان تكون في منطقتك الجغرافية (أ) فعندما تطلبين التحويل ومكان سكنك في القاهرة فنسبة قبوله سوف تكون ضعيفة .
حضرتك انا جالي حقوق حلوان انتظام و المكان بعيد و صعب بالنسبالي انا من القاهرة هل ممكن احول حقوق عين شمس انتساب موجه او حتي حلوان اتساب موجه انا جايب 269.5 و عين شمس انتساب واخدة من. 265 و هل يوجد تحويلات للمرحلة التاتة او اي وسيلة للتغير من حلوان لعين شمس او من حلوان انتظام لحلوان انتساب ؟ وشكرا
ان شاء الله في مرحلة الخاصة بالتحويل او تقليل الاغتراب لطلاب المرحلة الثالثة , لذلك تابعينا على موقعنا وان شاء الله فور الاعلان عنها سوف يتم نشر الخبر .
عايز اعرف لو اترفض طلب تقليل الاغتراب بالنسبة للمرحلة الثالثة ممكن اعمل التماس ولا اية
لا يوجد التماسات على موقع التنسيق لكن من الممكن السؤال في مكتب التنسيق او الاتصال على رقم التنسيق الساخن
رقم استعلامات مكتب التنسيق لعام 2013 والرد على جميع الاستفسارات الخاصة بالتنسيق
لو سمحت انا جايلى حقوق انتساب موجة المنصورة وعملت طلب تحويل ممكن اجى الاسكندرية ولا صعب
يعني حضرتك نتيجة التحويل ظهرت لكي بانك تم التحويل ام انك لم تظهر نتيجة التحويل إليك , اذا لم تظهر ارجو كتابة رد جديد فيه الاسم ورقم الجلوس لنتأكد قبل تحويلك ام لا.
السلام عليكم ورحمة الله وبركاته
انا طالبة بالملرحلة الاولى كلية اداب واريد ان احول بين الاقسام ولا اعرف هل ممكن اعرف متى يبدا فتح باب التحويل وكيف احول وشكرا جزاكم الله خيرا
والسلام عليكم ورحمة الله وبركاته
هل المقصود هو التحويل داخل اقسام كلية آداب , أذا كان هذا المقصود فهذا يرجع إلى ادارة الكلية وليس مكتب التنسيق .
السلام عليكم .. لا أريد الإطالة ولكن أنا من صيدلة المنصورة قسم كلينكال وحدثت ظروف معينة اضطرتنى للمكوث هناك لوحدى ما يربو إلى السنة وتصادف معى هناك مشاكل معقدة أطاحت بشعرى ولكن الحمد لله نجحت بتقدير جيد ونقلت بمادة وعندما حاولت التحويل للقاهرة أكدوا لى مرارا أنى سأحول لا ريب فى ذلك ولكن لم يحدث نصيب لأنهم أخذوا من جيد جدا وبفارق بسيط عن نسبتى وليست هنالك مشكلة كونى منقول بمادة …. أعلم أن اﻷمل شبه معدوم فى النقل وقد طرقت كل الأبواب ولكن يمكن أن تعتبر كلامى مجرد فضفضة يا صديقى لما رأيت منك إهتمام لافت بمشاكل التحويل .. وليت المسئولين ينظروا إلى ومن على شاكلتى بشىء من الرحمة .. كل سنة وأنت طيب ….. سلامو عليكم.
لو سمحت انا تجاره انجليزي الزقازيق الفرقه الثانيه وعاوز احول جامعه القاهره السنه اللي جايه ومعاي سكن فهل هيشيلوني مواد
بالنسبة لتحميلك بعض المواد هذا يرجع إلى المواد التي تدرس في الفرقة الاولي والثانية إذا كنت حصلت عليها كاملاً فلن يتم تحميلك اي مواد اخري , لكن إذا كانت هناك بعض المواد درسها طلاب جامعة القاهرة وانت سوف تدرسها في الزقازيق في الفرقة الثالثة او الرابعة فسوف يتم تحميلك فورا حتي وان زاد عدد المواد .
السلام عليكم انا اختكم حاليا في الفرقة التانية علوم جامعة عين شمس وعايزة احول علوم جامعة سوهاج من العام القادم ان شاء الله عايزة اعرف ينفع ولالا
وعليكم السلام ورحمة الله وبركاته , بالنسبة لقواعد التحويل للعام 2013 كانت تنص على ان التحويل الخاص بالطلاب القدامي عن طريق الجامعة ـ ورقي ـ وذلك بالطبع يندرج حسب قواعد التحويل بالنسبة لقرب السكن ونسبة التحويل , لكن العام القادم قد تتغير القواعد او تثبت علي ما هي عليها حاليا , لذلك انصحك بتتبع موقعنا بإستمرار لمعرفة اي مستجدات تخص عملية التحويل , وبالتوفيق ان شاء الله.
انا كنت في السن عين شمس ورسبت باسنه الاولي وحولت لاداب وقعدت سنه هل يجوز ان ارجع الالسن
السلام عليكم ورحمة الله وبركاته
كان التنسيق في العام الماضي 2013 لا يتدخل في هذا الامر ويعتبرها شأن خاص بالجامعات , كما ان هذا التحويل لا يتم إلكترونيا بل يتم عن طريق الجامعات ورقياً
هذا العام لم يتضح بعد هذا الامر وذلك لان التنسيق لم يفتح بعد ولم تنشر القوانين الجديدة
لذا ارجو متابعة موقعنا بإستمرار لمعرفة كل ما هو جديد من اخبار التنسيق
لو سمحت انا دلوقتى تجارة اسماعلية وعايزة احول اداب اسماعلية وانا من السويس مع العلم ان فى كلية اداب فى السويس بس مفهاش نفس الاقسام هينفع احول
بالنسبة للتحويل بين الكليات للطلاب القدامى لم يتم تحديد الملامح الخاصة به , لكن العام الماضي كان التحويل بين الكليات للطلاب القدامي عبر الجامعات وبالنظام الورقي , فيفضل ان تتوجهي بالسؤال إلى ادارة الكلية المراد التحويل إليها والاستفسار منها.
شكرا على الافادة
حضرتك انا جايب تجاره انتظام طنطا . و انا من المنصوره كنت عايز احول المنصوره بس سمعت انك عشان تحول بتحول من انتظام لانتساب . هل الكلام ده صحيح ؟
بالنسبة لقواعد التحويل الخاصة بالطلاب القدامى , تكون قواعد الكلية المحول إليها هي الاساس , لان تحويل الطلاب الجدد 2014 يكون مسؤال عنهم مكتب التنسيق , لذلك يرجى معاودة مقر جامعة المنوصرة للتحقق من شروط التحويل
حضرتك انا جاي معهد الكندي تتكنولوجيا اداره بالتجمع الخامس وانا جايبه 50% والسكن ف شبرا الخيمه ممكن احول فين بعد اذنك ارجوا الرد
ليس امامك سوي التقدم إلى برنامج التحويل او تقليل الاغتراب وحاليا لم يفتح للمرحلة الثالثة حتي الان يمكنك متابعة فتح باب التسجيل عبر موقع التنسيق
لو سمحت انا رشحت2012 لخدمه اجتناعيه حلوان.لكن لم ادخلها وتقدمت لجامعه خاصه درست فيها ثلاث اعوام ولم اوفق فيها.فهل لي الحق للعوده لمكتب التنسيق في 2015.افدوني ماذا أفعل .ولكم جزيل الشكر